今日好開心第二次有機會跟 Janice Lam 出去Out Job.
對於我黎講，跟去 Out Job係一個好好既機會比我重溫過去學過既化妝技巧。
而且仲可以趁機偷師 ( 好似set頭方面，以前我雖然有讀過新娘化妝班，學過set新娘頭，但其實仲有好多髮型實際上自己都唔識整，就好似今次呢位 Model既髮型 - 短頭髮)。
睇到 janice 化妝過程每一個地方細節都好小心，而且仲會同髮型師配合好。
(例如今日去到需要好小心化妝既步驟時，會等髮型師整好左頭髮先化紅唇) 。
呢次既Out Job令我體會到團體精神既重要性。
令我明白呢類工作如果想整件事做得好，唔應該局限或者計較自己職責範圍，而要抱著一個「為整件事好」既心態投入去做。
